Հնգամյակին՝ հարվածային ավարտ ՍՄԿԿ XXVI համագումարին՝ արժանավայել դիմավորում Մեծ ոգևորությամբ Կիրովական (Արմենպրես): ՍՄԿԿ XXVI համագումարը արժանավայել դիմավորելու համար սոցիալիստական մրցություն ծավալելու մասին ՍՄԿԿ Կենտկոմի որոշումը մեծ ոգևորություն է առաջ բերել քաղաքի աշխատավորական կոլեկտիվներում: Ամենուրեք վերանայվում են սոցիալիստական պարտավորությունները, ստանձնվում էլ ավելի բարձր պարտավորություններ: Նախահամագումարյան սոցիալիստական մրցության ավանգարդում են «Ավտոգենմաշ» գործարանի աշխատողները: Արտադրությունում նրանց ներդրած ավտոմատ կառավարման սիստեմները, տեխնիկայի մյուս միջոցները հնարավորություն են տվել բարձրացնել աշխատանքի արտադրողականությունը, ապահովել առավելագույն արդյունավետություն: Ժամկետից մոտ ինն ամիս շուտ կատարելով արտադրանքի իրացման հնգամյակի առաջադրանքը, մեքենաշինարարները երկրին լրացուցիչ տվել են հարյուր հազարավոր ռուբլիների սարքավորումներ: Քննարկելով ՍՄԿԿ Կենտկոմի որոշումը, մեքենաշինարարները որոշեցին գործարանի բոլոր արտադրամասերում և տեղամասերում լայնորեն ծավալել նախահամագումարյան սոցիալիստական մրցությունը, ուժեղացնել կոմունիստական աշխատանքի շարժումը, չթուլացող թափով շարունակել պայքարը հումքը, էլեկտրաէներգիան, օժանդակ նյութերը խնայողաբար ծախսելու համար, տնտեսումների հաշվին աշխատել մեկ օր։ Նախահամագումարյան աշխատանքային հերթափոխում են նաև կոշիկի ֆաբրիկայի աշխատողները, որոնք գրաֆիկից առաջ են անցել 15 օրով: Կոլեկտիվը հուլիսի վերջին երկու օրերին աշխատեց տարեսկզբին տնտեսած նյութերի հաշվին և թողարկեց 1.500 զույգ կոշիկ: Հնգամյակի եզրափակիչ տարվա յոթ ամսվա առաջադրանքները 10-15 օրով շուտ կատարեցին բարձր ջերմաստիճանային տաքացուցիչների, կահույքի, Ստ. Շահումյանի անվան կարի արտադրական միավորումների և այլ ձեռնարկությունների կոլեկտիվները: Հնգամյակի եզրագիծը՝ ժամկետից շուտ: Այս նշանաբանով են աշխատում Ղափանի տրիկոտաժի ֆաբրիկայի երիտասարդ բանվորուհիներ Լարիսա Մարտիրոսյանը և Սուսաննա Սիմոնյանը: Նրանց ամենօրյա հաջողությունները ոգևորում …

Այաթոլլահ Խոմեյնիի որոշումը Իրանական հեղափոխության առաջնորդ այաթոլլահ Խոմեյնին որոշել է վերանայել իր վերաբերմունքը իրանական տերիտորիայում գործող հակաաֆղանական կազմակերպությունների նկատմամբ, հաղորդում է լիբանանյան «Աշ շաաբ» թերթը, վկայակոչելով Թեհրանի լավատեղյակ քաղաքական շրջանները: Դրա վկայությունն այն փաստն է, շարունակում է թերթը, որ Խոմեյնին կարգադրել է Իրանում արգելել աֆղանական հակակառավարական այն խմբավորման գործունեությունը, որը հայտնի է «Ջամիաթե իսլամի» անվամբ: Այաթոլլահ Խոմեյնին այդ քայլին դիմել է, երբ հայտնի է դարձել, որ այդ խմբավորումը և մյուս հակաաֆղանական կազմակերպությունները սերտ կապեր են պահպանում ԱՄՆ-ի, Իսրայելի ու Եգիպտոսի հատուկ ծառայությունների հետ և նրանց կողմից օգտագործվում են Իրանի իսլամական վարչակարգի դեմ գործողությունների ձեռնարկման համար, շարունակում է թերթը։ Թերթը նաև նշում է, որ «Ջամիաթե իսլամիի», «Հարաքաթե իսլամիի», «Խազբե իսլամիի» և մյուս հակաաֆղանական խմբավորումների միջոցով զենք ու դրամ է մատակարարվում իրանական անջատողական շարժումների և ծայրահեղական կազմակերպությունների համար, որոնց օգնությամբ վերոհիշյալ հատուկ ծառայությունները անկարգություններ են հրահրում Իրանի տարբեր նահանգներում և տեռորիստական ու քայքայիչ ակտեր են կատարում: Այաթոլլահ Խոմեյնին, նշում է թերթը, կարգադրել է լայնորեն հետաքննել Իրանում գտնվող հակաաֆղանական կազմակերպությունների գործունեությունը:

«Պիոներները ողջ երկրի հավատարիմ են գործին Լենինի» Մի՛շտ պատրաստ Ռեպորտաժ Հանքավանի Յու. Գագարինի անվան ճամբարի հրապարակից Մարմարիկ գետի հովիտը այդ օրը տոնական տրամադրության մեջ էր: Ամենուրեք փողփողում էին պիոներական ալ վզկապներն ու դրոշները: Պիոներների հուզմունքից շառագունած դեմքերից զգացվում էր, որ նրանք երկար ժամանակ են պատրաստվել իրենց ավանդական շքերթ-հանդեսին, որն այս տարի նվիրված էր Սովետական Հայաստանի 60-ամյակին: Երեկոյան ժամը 8-ն է, հնչում են շեփորները, թմբուկների ռիթմիկ զարկերը տարածվում են հովտում: Մի պահ հանդարտվում է Հանքավանի Յու. Գագարինի անվան ճամբարի հրապարակը: Պիոներական ճամբարների պատվիրակությունները կանգնում են հանդիսավոր տողանի: ՀԼԿԵՄ Կենտկոմի երկրորդ քարտուղար Ա. Թոփուզյանն իր ողջույնի խոսքում շնորհավորեց պիոներներին իրենց այդ ավանդական տոնի առթիվ և ցանկացավ նորանոր հաջողություններ պիոներական կյանքում և ուսման մեջ: Բարձր գնահատվեցին «Նաիրիտ», «Լուսաբաց», «Հասմիկ» ճամբարների կատարած աշխատանքները: Ընկ. Թոփուզյանը հրապարակեց հավաքի պատվիրակների ողջույնի ուղերձը Մոսկվայում անցկացվող օլիմպիական խաղերի մասնակիցներին: Պատվիրակությունների ներկայացուցիչներն իրենց զեկույցներում նշեցին համամիութենական երթուղիներով ճամբարների կատարած լավագույն աշխատանքները: Հավաքի հանդիսավոր մասին հաջորդեց ինքնագործունեության աշխույժ համերգը: Որպես ավանդույթ, այն սկսվեց «Խարույկով խարկվենք» երգով: Հանդիսությանը առանձին հմայք տվեց դիմացի սարալանջին ծիածանի բոլոր գույներով փոփոխվող «Օլիմպիադա—80», «Վ. Ի. Լենին—110», «Հայաստան—60», «Հաղթանակ—35» հոբելյանական թվանշանները։ «Գովք Հայաստանին» երգեցին հավաքի բոլոր մասնակիցները: Համերգն ավարտվեց «Սասունցիների պարով», որը պիոներները կատարեցին յուրահատուկ եռանդով: Պիոներական ուրախ երգ ու պարին հաջորդեց հանդիսավոր շքերթը: Դրոշներով, տրանսպարանտներով անցնում …

Այսօր երկաթուղայինի համամիութենական օրն է Նվիրումով ու պատասխանատվությամբ Այսօր մեր մեծ հայրենիքի բազմազգ ժողովուրդը մեծ վերելքի պայմաններում նշում է երկրի ավանդական տոներից մեկը՝ երկաթուղայինի օրը: Երկաթուղին, որի պողպատե մագիստրալների ցանցը գնալով խտանում է մեր լայնածավալ պետության տարածքում, կարևոր դեր է խաղում ժողովրդական տնտեսության աննախընթաց զարգացման գործում, տնտեսական ամուր կապերով շաղկապում ամենահեռավոր շրջանները: 10-րդ հնգամյակի ընթացքում ավելի մեծ զարգացում ապրեց հանրապետության երկաթուղին. շարք մտավ Սևան—Զոդ հատվածը, որը ձգվում է կապուտակ Սևանի ափերով։ Կառուցվում են Մասիս—Նուռնուս և Հրազդան—Իջևան երկաթուղիները: ՍՄԿԿ համագումարը զարգացման նորանոր հեռանկարներ կբացի տրանսպորտի այդ ճյուղի համար և գալիք հնգամյակում կսկսվեն նոր հատվածների նախագծման ու շինարարական աշխատանքները: Հաճելի է երազել՝ Երևան—Ջերմուկ... Առավել հաճելի, երբ գիտես, որ այդ երազանքն ունի ռեալ հիմք, որ քո փոքրիկ լեռնաշխարհը մի մասնիկն է մի լայնածավալ երկրի, որ պողպատյա ռելսերի շարանը Արարատյան դաշտը կապում է հեռավոր Ուրալի և Սևանը Բայկալի հետ: Ծանրաքարշ գնացքների ասպետը Ավելի քան 40 տարի առաջ օձունցի մի պատանի հաճախ էր վազում դեպի Լոռվա անդնդախոր ձորի վրա կախված ուղղաձիգ քարափը՝ դիտելու շոգեքարշի սլացքը և նրա պոչից շարված վագոնների երկար շարանը: Գնացքի երթը հեռավոր երկրների կարոտ էր հյուսում այդ ձորում: Այդպիսի մի օր նա վճռեց երկաթուղային դառնալ, մեքենավար։ Տասնութամյա Հմայակը ավարտելով միջնակարգ դպրոցը՝ աշխատանքի անցավ Սանահինի շոգեքարշային դեպոյում, որպես փականագործի աշակերտ։ Բայց դեռ տասնամյակ …

Բիզնես - 06 Մարտի 2017, 19:45 Հայաստանում 2016 թվականին գրանցվել են 1564 ապրանքային նշաններ: Ինչպես տեղեկացնում է «Արմենպրես»-ը վկայակոչելով ՀՀ տնտեսական զարգացման և ներդրումների նախարարության աշխատակազմի մտավոր սեփականության գործակալության տվյալները, դրանցից 1148-ը եղել են ազգային հայտատուների անունով: 2016 թվականին ազգային ընթացակարգով ստացվել է ապրանքային նշանների գրանցման 1717 հայտ, որոնցից 1261-ը՝ ազգային հայտատուներից: Ապրանքային նշանների 1565 հայտով կատարվել է նախնական փորձաքննություն: Հետ է կանչվել 53 հայտ, 134 հայտով կայացվել է ապրանքային նշանի գրանցումը մերժելու մասին որոշում: Նշանների միջազգային գրանցման մասին Մադրիդյան համաձայնագրի և դրա արձանագրության շրջանակներում Հայաստանի Հանրապետության նշմամբ ստացվել է ապրանքային նշանների միջազգային գրանցման մասին 2268 ծանուցում։ Միջազգային ծանուցումներով կայացվել են 2387 որոշում ապրանքային նշանին իրավական պահպանություն տրամադրելու վերաբերյալ, նախնական մերժման մասին կայացվել է 713 որոշում, իսկ վերջնական մերժման մասին՝ 514։ Հայաստանի Հանրապետությունից ներկայացվել է միջազգային գրանցման 30 հայտ։ 2016 թվականին ազգային հայտատուներից ստացվել է 1261 հայտ, որը 2015 թվականի համեմատությամբ նվազել է 79-ով: Ինչ վերաբերում է օտարերկրյա իրավաբանական անձանց ակտիվությանը, ապա 2016 թվականին ազգային ընթացակարգով ստացվել է 456 հայտ, որը 2015 թվականի համեմատությամբ նվազել է 99-ով։

Ներքին կյանք - 07 Մարտի 2017, 11:52 «Օհանյան-Րաֆֆի-Օսկանյան» դաշինքի անդամները նախընտրական իրենց առաջին հանդիպումներն անցկացրեցին Տավուշի մարզում։ Դաշինքի ցուցակի առաջին եռյակի՝ գեներալ–գնդապետ Սեյրան Օհանյանի, «Ժառանգություն» կուսակցության փոխնախագահ Արմեն Մարտիրոսյանի և ՀԱՄԱԽՄԲՈՒՄ կուսակցության նախագահ Վարդան Օսկանյանի գլխավորությամբ, նրանք մարտի 6-ին այցելեցին սահմանամերձ բնակավայրեր։ ՕՐՕ դաշինքի ներկայացուցիչները հանդիպեցին Վազաշենի, Չինարիի, Բերդի Այգեձորի, Արծվաբերդի, Վերին Կարմիրաղբյուրի և Պառավաքարի բնակիչների հետ։ Ներկայացրեցին դաշինքի ՝ «365 օր. ամենօրյա փոփոխությունների ժամանակացույց» ծրագիրը, 12 կետերից բաղկացած առաջարկները և հետագա գործողությունների տեսլականը։ Պառավաքարում նրանք հյուրընկալվեցին հաշմանդամություն ունեցող բնակչի տանը։

Երեք զինծառայող բեկորային վիրավորում է ստացել. պատասխան գործողություն է իրականացվում։ Հուլիսի 7-ի առավոտվանից սկսած հակառակորդը արցախա-ադրբեջանական հակամարտ զորքերի շփման գծում խախտում է հրադադարի պահպանման ռեժիմը՝ օգտագործելով ինչպես հրաձգային զինատեսակներ, այնպես էլ Դ-30 և Դ-44 տիպի հրանոթներ, տարբեր տրամաչափի ականանետեր ու նռնականետեր: Ինչպես տեղեկացրին ԱՀ պաշտպանության նախարարության մամուլի ծառայությունից, ադրբեջանական զինուժի արկակոծության արդյունքում՝ տարբեր աստիճանի բեկորային վիրավորումներ են ստացել ՊԲ զինծառայողներ Ռոբերտ Նովրուզի Գասպարյանը (ծնվ. 1969թ.), Համբարձում Կարապետի Հարությունյանը (ծնվ. 1997թ.) և Վահե Գագիկի Բադալյանը (ծնվ. 1998թ.): Հակառակորդի նախահարձակ ակտիվությունը ճնշելու համար ՊԲ առաջապահ զորամասերն իրականացնում են պատասխան գործողություններ: Առաջնային գծում իրավիճակի ապակայունացմանն ուղղված գործողությունների ողջ պատասխանատվությունը կրում է Ադրբեջանի ռազմաքաղաքական ղեկավարությունը:

Օրեգոնի համալսարանի ամերիկացի գիտնականները ապացուցել են, որ սեքսն ազդում է մարդկանց աշխատունակության վրա, հաղորդում է Informig-ը: Մասնագետները հետազոտություն են անցկացրել, որին մասնակցել է 159 ամուսնական զույգ: Մասնակիցներն անկեղծ պատասխանել են իրենց անձնական կյանքին և ինքնազգացողությանը վերաբերող հարցերին: Պարզվել է, որ այն մարդիկ, որոնք պարբերաբար սեքսով են զբաղվել և օրգազմ ապրել, ավելի հաճախ են աշխատանքի գնում լավ տրամադրությամբ: Գիտաշխատողների խոսքով՝ սեռական կյանքի որակն ազդում է աշխատունակության վրա, ինչպես տղամարդկանց, այնպես էլ կանանց մոտ: Հետազոտության ընթացքում ապացուցվել է, որ կանոնավոր կերպով սեքսով զբաղվողները ավելի հավասարակշռված են, ավելի դիմացկուն սթրեսների հանդեպ, բացի այդ ավելի լավ են կատարում իրենց առաջադրանքները։ Պարզվել է նաև, որ նման աշխատողներն ավելի քիչ են հիվանդանում։

Հունվարի 7-ից 13-ն ընկած ժամանակահատվածում արցախա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 200 անգամ՝ հայ դիրքապահների ուղղությամբ արձակելով ավելի քան 2000 կրակոց: Բացի հրաձգային զինատեսակներից, ադրբեջանական զինուժը առաջնագծի տարբեր հատվածներում կիրառել է նաև խոշոր տրամաչափի գնդացիրներ և դիպուկահար հրացաններ: ՊԲ առաջապահ զորամասերը շարունակում են վստահորեն իրականացնել իրենց առջև դրված մարտական խնդիրը՝ անհրաժեշտության դեպքում դիմելով նաև պատասխան գործողությունների: ԱՀ ՊՆ մամուլի ծառայություն

«Առաջին լրատվական»-ի զրուցակիցն է 1990-1999թթ. ԳԽ և ԱԺ պատգամավոր Երջանիկ Աբգարյանը։ -Պարոն Աբգարյան, ինչպե՞ս եք գնահատում հայ-ադրբեջանական սահմանին և շփման գծում հակառակորդի մեծ կուտակումները և զորքերի տեղաշարժերը: Արդյո՞ք սա կարող է պատերազմի նախապատրաստություն լինել, թե՞ պարզապես ուժի ցուցադրություն է: -Արտաքնապես և՛ մեկը, և՛ մյուսը: Բայց կարևորն այն է, թե ինչո՞ւ այդ աննախադեպ լայնամասշտաբ կուտակումերն ու տեղաշարժերը թափ առան հենց վերջին ամիսների ընթացքում, երբ Հայաստանում սկսվեց հեղափոխական շարժումը, և տեղի ունեցավ իշխանափոխություն: Այս առումով դիտարկելով Ադրբեջանի հիշյալ գործողությունները, խաբուսիկ տպավորություն է առաջանում, թե դա ուղղակի «ուժի ցուցադրություն» է կամ «պատերազմի նախապատրաստություն»: Ժողովրդական խոսք կա, թե «պատից կախված հրացանը մի օր կրակելու է»: Հարցն այն է, թե Ադրբեջանի համար արդյոք եկե՞լ է տասնյակ տարիներով կուտակվող զենքը գործի դնելու ժամանակը: Միաժամանակ, արդյո՞ք ներքին և արտաքին պայմանները նպաստավոր են Ադրբեջանի կողմից պատերազմ սանձազերծելու գործում: –Ինչո՞վ կարող են պայմանավորված լինել Ադրբեջանի կողմից նման կուտակումները: Հնարավոր համարո՞ւմ եք, որ գերտերություններից որևէ մեկը, ասենք, Ռուսաստանը, աջակցի կամ հրահրի նոր ռազմական գործողություններ: -Իրականությանը պետք է բաց աչքերով նայել և ցանկալի երևակայությունների գրկում չմնալ: Սա վերաբերում է հատկապես հայ զինվորականությանը և քաղաքական ղեկավարությանը: Անցած երկու տասնյակ տարիներին երբեք միջազգային հարաբերությունների լարվածությունն այնքան չի սրվել, ինչպես հիմա է՝ արևմտյան միասնականությունը ճեղքեր է տվել, ընթանում է տնտեսական պատերազմ, ավելացել են տեղական …